Kode kopi
si kaw....ai ma inganan kode kopi langganan nami,inganan partuppuan
pemuda-pemudi simalungun, markasni par HIMAPSI, ai ma i lobei ni Universitas
Simalungun Jl. Sisingamangaraja pas mandopakkon tugu Radjamin Purba ( tokoh
simalungun, pendiri Universitas Simalungun). kode kopi si KAW ma goranni, Goran KAW sabotulni
singkatan humbani hata KAWAN (bhs Indonesia; teman), halani i kode kopi ai
ganupan do hanami marhasoman, jadi anggo manisei hasoman ai ama KAWAN,
dokah-dokah isingkat ma gabe KAW, ai do ase i goran ai KODE KOPI KAW. Sabotulni
inganan kode kopi ai lang pala nyaman, na mambahen marosuh tong diri roh hu jai
halani sodap tong pembahasan pakon parbualan i jai, han pembahasan pasal
simalungun, das hu pembahasan na lang layak i bahas pe dong do tong i jai.
Sanggah sada panorang,
sanggah serius tumang lawei Dian Purba (sekretaris HIMAPSI Siantar) mambahas
pasal Wali Kota Sianttar Hulman Sitorus, i sambung lawei Franky Sinaga ma
homa pasal Pemuda Simalungun pakon Bupati simalungun. Ganupan hanami na adong i
kode kopi ni si KAW ai terpukau tumang bani topik pembahasan ai. Lang piga
dokah roh ma si Jhon Sipayung, i parkirhon ni ma Honda GL PRO ni, itor i pahundul
bana ma i tongah-tongah ni tuppuan ai, sambil mamesan sagalas kopi bani si KAW.
sonai roh si Jhon Sipayung on, putus ma parbualan nokan ai, memang anggo si
Jhon Sipayung on, lalap do tong si boan lutu. I bahenni do tong partawa-tawaan.
marcarita ma bana pasal pengalaman ni sanggah pajupah pakon parmahan hambing i
Kecamatan Raya, sonon ma gan carita ni:
Parmanah hambing pakon
si Jhon Sipayung
I sada panorang,
mardalani ma si Jhon Sipayung hu
kecamatan raya pajupah pakon sahalak
parmahan hambing. Halani marosuh tumang si jhon on manonggor jengesni hambingni parmahan ai, sihol ma uhurni si
jhon lao marsukkun bani parmahan ondi.
Jhon :
“ Tulang, boi do au marsukkun bani ham?”
Parmahan : “ boi, ”
Jhon : “ hambing-hambing ni ham
on sehat-sehat tumang tene, aha do
sipanganan ni in ibereh ham ?”
Parmahan : “ Hambing na i ja do maksudmu ambia? si
birong atek si lopak?”
Jhon : “ mmmmmm.....anggo si birong on tulang?”
Parmahan : “ oh.... anggo si birong on, panganon
ni, ai ma duhut !!”
Jhon : “ ohhhh.....jadi anggo na si
lopak on tulang ?”
Parmahan : “duhut do tong!!”
Jhon : “ Hmmmm......hambing-hambing
ni ham on, piga kilo meter do
talup mardalan sadari?
Parmahan : “ Hambing na i ja do maksudmu ambia? si
birong atek si lopak?”
Jhon : “mmmmm.... si birong on ma
parlobei tulang?
Parmahan : “ ohhh...anggo si birong on , 4 km
sadari.”
Jhon : “ jadi anggo si lopak on?”
Parmahan : “ si lopak on pe sonai do.”
Si Jhon pe domma mulai
emosi, halani manangar balos ni parmahan ai......
Jhon : “Hambing ni ham on, bahat do ambuluni atek lang, satahun?”
Parmahan : “ Hambing na i ja do maksudmu ambia? si
birong atek si lopak?”
Jhon : ( si jhon pe mulai emosi mambalosi)
“ anggo si birong.........?”
Parmahan : “ ohhh,,..na birong, bahatni ..10 kg/
tahun.”
Jhon : “ anggo si lopak....?”
Parmahan : “ si Lopak on pe sonai do..!!!”
Jhon : (lambin emosi) “
TULANG...MASE TONG MANINGON I BEDAHON HAM
HAMBING NA DUA ON, ANGGO SARUPA DO TONG BALOS NI..?????”
Parmahan : “ oh,
sonon do ai ambia..,,, anggo si birong on kan bagian ku.....”
Jhon : “ ohh..sonai do tulang, maaf ma anggo otik emosi au nokkan ai
da
tulang......jadi anggo hambing si lopak on bagian ni ise?”
Parmahan : “ bagian hu do tong”
Jhon : @!##$%%^&&&**@*&^#
( itor lao ma Si jhon ai, domma emosi tumang bana mardinggat parmahan ai......)
“ dasar Parmahan Hambinggg.........!!!!!!”
Kwakawkawkwakwa.......ai
ma lobei bual-bual ta sadari on tene, halani bahat nari dope bual jagar-jagar hun
kode Kopi ni si KAW bani episode na legan!!!!!hihihihihihi
HORAS...HORAS..HORAS..!!!!!
Jaya Ma SIMALUNGUN
Tidak ada komentar:
Posting Komentar